Pawar Land Politics: 'चौकशी होईपर्यंत राजीनामा द्या', Eknath Khadse यांची मागणी, Ajit Pawar अडचणीत

उपमुख्यमंत्री अजित पवार (Ajit Pawar) यांचे पुत्र पार्थ पवार (Parth Pawar) पुण्यातील कोरेगाव पार्कमधील (Koregaon Park) जमीन व्यवहारामुळे वादात सापडले आहेत. या प्रकरणी विरोधक आक्रमक झाले असून, एकनाथ खडसे (Eknath Khadse) आणि अंबादास दानवे (Ambadas Danve) यांनी गंभीर आरोप केले आहेत. 'या व्यवहाराची पूर्णपणे चौकशी होईपर्यंत अजित पवारांनी राजीनामा द्यावा,' अशी मागणी एकनाथ खडसे यांनी केली आहे. पार्थ पवार यांच्या अमीडिया कंपनीने १८०० कोटी रुपयांची जमीन केवळ ३०० कोटी रुपयांना खरेदी केल्याचा आरोप आहे. ही जमीन महार वतनाची असल्याने वादाला आणखी तोंड फुटले आहे. या प्रकरणी मुद्रांक शुल्क विभागाने कंपनीला ६ कोटी रुपये भरण्याची नोटीस बजावली आहे, कारण व्यवहारात केवळ ५०० रुपये शुल्क भरल्याचा आरोप आहे. अंबादास दानवे यांनी १८०० कोटींच्या जमिनीचे मूल्यांकन ३०० कोटी कसे झाले आणि मुद्रांक शुल्क का भरले नाही, असे प्रश्न उपस्थित केले आहेत. तर, ही चौकशी उच्च न्यायालयाच्या न्यायाधीशांमार्फत व्हावी, असे मत एकनाथ खडसे यांनी व्यक्त केले आहे.