Pawar Politics: पार्थ पवारांना वगळले? जमीन घोटाळ्यात 99% मालकावर FIR का नाही?

पार्थ पवार (Parth Pawar) यांच्या कंपनीशी संबंधित जमीन घोटाळा प्रकरणात गुन्हा दाखल झाला असून, यात पार्थ पवारांच्या नावाचा समावेश नसल्याने नवा वाद निर्माण झाला आहे. या प्रकरणी उपमुख्यमंत्री देवेंद्र फडणवीस (Devendra Fadnavis), अजित पवार (Ajit Pawar) आणि महसूलमंत्री चंद्रशेखर बावनकुळे (Chandrashekhar Bawankule) यांच्या स्पष्टीकरणाने राजकीय वातावरण तापले आहे. 'पार्थ हे कंपनीचे ९९ टक्के मालक आहेत, मात्र त्यांच्यावर गुन्हा दाखल का नाही?' असा सवाल विरोधकांनी उपस्थित केला आहे. यावर स्पष्टीकरण देताना अजित पवारांनी सांगितले की, जे रजिस्ट्रार ऑफिसमध्ये सह्यांसाठी हजर होते त्यांच्यावरच गुन्हे दाखल झाले आहेत. तर, महसूलमंत्री चंद्रशेखर बावनकुळे यांच्या म्हणण्यानुसार, प्राथमिक टप्प्यात कागदपत्रांवर सह्या करणाऱ्यांवर गुन्हा दाखल करण्यात आला असून, सखोल चौकशीनंतर इतरांवर कारवाई होऊ शकते. विरोधकांनी मात्र या कारवाईवर संशय व्यक्त केला असून, पार्थ पवारांना वाचवण्याचा प्रयत्न होत असल्याचा आरोप केला आहे.