War of Legacy: 'मीच Gopinath Munde यांची खरी वारस', Pankaja Munde यांच्या दाव्याने वाद पेटला

दिवंगत नेते गोपीनाथ मुंडे (Gopinath Munde) यांच्या राजकीय वारसावरून पुन्हा एकदा मुंडे कुटुंबात वाद पेटला आहे. पंकजा मुंडे (Pankaja Munde) आणि धनंजय मुंडे (Dhananjay Munde) यांच्यात हा वाद सुरू असताना, छगन भुजबळ (Chhagan Bhujbal) यांच्या विधानामुळे त्याला नवी फोडणी मिळाली आहे. 'वैद्यनाथ साखर कारखाना गोपीनाथ मुंडेंचा आत्मा आहे, तो माझा आत्मा आहे कारण मी गोपीनाथ मुंडेंची वारस आहे,' असं पंकजा मुंडे यांनी ठणकावून सांगितलं आहे. दुसरीकडे, प्रमोद महाजन (Pramod Mahajan) यांच्या हत्येवरून त्यांचे बंधू प्रकाश महाजन (Prakash Mahajan) यांनी केलेल्या गंभीर आरोपांमुळे महाजन कुटुंबातही वादळ उठले आहे. मात्र, या गंभीर आरोपांवर पंकजा मुंडे, धनंजय मुंडे आणि पूनम महाजन यांनी मौन बाळगल्याने राजकीय वर्तुळात आश्चर्य व्यक्त होत आहे.