OBC Maha Elgar Sabha in Beed : २ सप्टेंबरचा जीआर रद्द होणार? बीडमध्ये ओबीसींचा एल्गार

बीडमधील (Beed) छत्रपती संभाजी महाराज क्रीडांगणावर ओबीसी समाजाच्या (OBC Community) महाएल्गार सभेचे आयोजन करण्यात आले आहे. मंत्री छगन भुजबळ (Chhagan Bhujbal), आमदार धनंजय मुंडे (Dhananjay Munde) आणि लक्ष्मण हाके (Laxman Hake) यांच्या भूमिकेकडे सर्वांचे लक्ष लागले आहे. 'शासनाने जो जीआर काढलेला आहे, तो जर रद्द झाला नाही तर ओबीसींवर मोठी हानी होणार आहे,' अशी भावना आंदोलकांनी व्यक्त केली आहे. मराठा आरक्षणासंदर्भात (Maratha Reservation) सरकारने काढलेला २ सप्टेंबरचा जीआर रद्द करावा, ही या सभेची प्रमुख मागणी आहे. सरकारमध्ये असूनही छगन भुजबळ यांनी आक्रमक भूमिका घेतली असून या सभेची घोषणा केली होती. बीड, हिंगोली, जालना आणि छत्रपती संभाजीनगर या जिल्ह्यांमधून मोठ्या संख्येने आंदोलक या सभेसाठी दाखल झाले आहेत. या सभेतून आंदोलनाची पुढची दिशा ठरवली जाणार असल्याने याकडे संपूर्ण राज्याचे लक्ष लागले आहे.