OBC Reservation बीडमध्ये महाएल्गार, Chhagan Bhujbal, Dhananjay Munde, Pankaja Munde एकाच व्यासपीठावर

बीडमध्ये आज ओबीसी समाजाची महाएल्गार सभा पार पडत असून, राज्याचे अन्न आणि नागरी पुरवठा मंत्री छगन भुजबळ (Chhagan Bhujbal) या सभेचे नेतृत्व करत आहेत. ओबीसी आरक्षणाच्या संरक्षणासाठी होणाऱ्या या सभेमध्ये मंत्री छगन भुजबळ यांनी धनंजय मुंडे (Dhananjay Munde) यांना उपस्थित राहण्यासाठी फोनवरून आमंत्रण दिल्याचे समोर आले आहे. 'मराठा समाजाच्या आरक्षणाला आमचा विरोध नाही, पण ओबीसी आरक्षणावर गदा आली तर ठाम विरोध करू,' असा आक्रमक पवित्रा धनंजय मुंडे यांनी घेतला आहे. या महाएल्गार मेळाव्याच्या निमित्ताने छगन भुजबळ, धनंजय मुंडे, पंकजा मुंडे (Pankaja Munde), आमदार गोपीचंद पडळकर (Gopichand Padalkar) आणि लक्ष्मण हाके (Laxman Hake) यांच्यासह अनेक प्रमुख ओबीसी नेते एकाच व्यासपीठावर एकत्र येणार आहेत. त्यामुळे, धनंजय मुंडे या व्यासपीठावरून नेमकी काय भूमिका मांडणार याकडे संपूर्ण राज्याचे लक्ष लागले आहे.