Nitin Gadkari : जुन्या कार्यकर्त्यांकडे लक्ष द्या,अन्यथा..' गडकरींनी भाजप नेत्यांचे टोचले कान

केंद्रीय मंत्री नितीन गडकरी (Nitin Gadkari) यांनी नागपूरमधील (Nagpur) कळमेश्वर येथील एका कार्यक्रमात भाजपमधील (BJP) 'इनकमिंग'च्या राजकारणावरून पक्षाच्या नेत्यांना खडे बोल सुनावले आहेत. 'जुन्या कार्यकर्त्यांकडे लक्ष द्या अन्यथा जितक्या जोरात वाढले तितक्याच जोरात खाली आल्याशिवाय राहणार नाही,' असा थेट इशारा गडकरींनी दिला आहे. नागपूरच्या कळमेश्वरमध्ये भाजप नेते राजीव पोतदार यांच्या कामांविषयी बोलताना त्यांनी हे वक्तव्य केले. पक्षात बाहेरून येणाऱ्या नेत्यांमुळे जुन्या आणि प्रामाणिक कार्यकर्त्यांकडे दुर्लक्ष होत असल्याचे त्यांनी सूचित केले. 'जुना कार्यकर्ता हा घरची मुर्गी दाल बराबर, तर बाहेरून आलेले सावजी चिकन मसाला,' अशा नागपुरी शैलीत त्यांनी पक्षातील सद्यस्थितीवर भाष्य करत नेत्यांचे कान टोचले. प्रामाणिक कार्यकर्त्यांची कदर न केल्यास पक्षाला मोठा फटका बसेल, असेही ते म्हणाले.