Diwali Celebration Nitin Gadkari मंत्री नितीन गडकरी यांनी नातवंडांसोबत केली दिवाळी फटाक्यांची खरेदी

केंद्रीय मंत्री नितीन गडकरी (Nitin Gadkari) यांनी आपल्या नातवंडांसोबत नागपूरच्या (Nagpur) बाजारपेठेत दिवाळीसाठी फटाक्यांची खरेदी केली. 'रॉकेट तर कोणाच्या पण घरात घुसतं', असा निरागस हट्ट नितीन गडकरी यांच्या नातवाने धरल्याचे समोर आले आहे. गडकरी हे दरवर्षी आपल्या व्यस्त वेळापत्रकातून वेळ काढून नातवंडांसोबत फटाके खरेदीसाठी जातात. केंद्रीय मंत्री असले तरी, एक आजोबा म्हणून त्यांची ही कौटुंबिक भूमिका नेहमीच चर्चेचा विषय ठरते. यंदाही त्यांनी आपली ही परंपरा कायम ठेवत नातवंडांच्या आवडीचे फटाके खरेदी केले. त्यांचे हे कौटुंबिक क्षण कॅमेऱ्यात कैद झाले असून, या घटनेचे व्हिडिओ आणि फोटो सोशल मीडियावर व्हायरल झाले आहेत.