Maharashtra Politics: BJP प्रवेशाच्या चर्चेआधीच शरद पवारांच्या राष्ट्रवादीतून 2 नेत्यांची हकालपट्टी!

नाशिकमध्ये (Nashik) राष्ट्रवादी काँग्रेस (शरदचंद्र पवार) पक्षात मोठी राजकीय घडामोड घडली आहे, जिथे पक्षाध्यक्ष शरद पवारांच्या (Sharad Pawar) आदेशानुसार दोन पदाधिकाऱ्यांची हकालपट्टी करण्यात आली आहे. 'स्वार्थी आणि दलबदलू मानसिकता तसेच पक्षविरोधी भूमिका घेतल्याने' उदय सांगळे (Uday Sangle) आणि सुनिता चारोस्कर (Sunita Charoskar) यांना पक्षातून काढून टाकण्यात आल्याचे पक्षाने जारी केलेल्या पत्रात म्हटले आहे. उदय सांगळे यांनी सिन्नर (Sinnar) विधानसभा मतदारसंघातून, तर सुनिता चारोस्कर यांनी दिंडोरी (Dindori) मतदारसंघातून पक्षाच्या तिकिटावर निवडणूक लढवली होती. हे दोन्ही नेते भाजपमध्ये (BJP) प्रवेश करणार असल्याची जोरदार चर्चा सुरू होती, मात्र त्यापूर्वीच राष्ट्रवादी काँग्रेसने (NCP) शिस्तभंगाची कारवाई करत त्यांना पक्षाबाहेरचा रस्ता दाखवला आहे.