Mahayuti Allaince : 'आम्हाला सापत्न वागणूक मिळतेय', Ajit Pawar गटाची नाराजी, निधी वाटपावरून तक्रार

राष्ट्रवादी काँग्रेसच्या (NCP) मुंबईतील मॅरेथॉन बैठकीत मराठवाड्यातील पदाधिकाऱ्यांनी निधी वाटपावरून उपमुख्यमंत्री अजित पवार (Ajit Pawar) आणि प्रदेशाध्यक्ष सुनील तटकरे (Sunil Tatkare) यांच्यासमोर तीव्र नाराजी व्यक्त केली आहे. 'महायुतीमध्ये काही पक्षांकडून राष्ट्रवादी काँग्रेस पक्षाला निधी वाटपात सापत्न वागणूक मिळतेय,' अशी भावना पदाधिकाऱ्यांनी व्यक्त केल्याचे सुनील तटकरे यांनी पत्रकार परिषदेत मान्य केले. अजित पवार राज्याचे अर्थमंत्री असूनही त्यांच्याच पक्षाच्या पदाधिकाऱ्यांना निधीसाठी संघर्ष करावा लागत असल्याने आश्चर्य व्यक्त होत आहे. नांदेड, परभणी, बीड, जालना, आणि संभाजीनगरसह मराठवाड्यातील पदाधिकाऱ्यांच्या या तक्रारींची दखल घेतली असून, हा मुद्दा महायुतीच्या समन्वय समितीच्या बैठकीत मांडला जाईल, असे आश्वासन तटकरे यांनी दिले आहे.