Pune Crime: 'घरात घुसून मारहाण केली'; Social Media Post वरून NCP च्या Rupali Patil यांच्यावर गंभीर आरोप

पुण्यात राष्ट्रवादी काँग्रेसच्या नेत्या रुपाली पाटील ठोंबरे यांच्यावर मारहाणीच्या गंभीर आरोपांमुळे खळबळ उडाली आहे. माधवी खंडाळकर नावाच्या महिलेने, सोशल मीडियावर केलेल्या एका पोस्टमुळे पाटील यांनी गुंड पाठवून घरात घुसून मारहाण केल्याचा आरोप केला आहे. 'कदाचित माझ्या आत्म्यांनी मारहाण केली असेल,' अशी उपरोधिक प्रतिक्रिया रुपाली पाटील यांनी दिली आहे. मारहाणीच्या आरोपांनंतर पीडित महिला रक्तबंबाळ अवस्थेत असल्याचा व्हिडिओ समोर आला आहे. दुसरीकडे, रुपाली पाटील यांनी हे आरोप फेटाळले असून, घटनेच्या वेळी आपण बीडमध्ये होतो आणि आता पुण्याला येत आहोत, असे स्पष्टीकरण दिले आहे. दोन्ही पक्ष पोलीस ठाण्यात एकमेकांविरोधात तक्रार देत असल्याची माहितीही त्यांनी दिली आहे.