Winter Session Row: 'आधी पैसे, मगच काम', Nagpur Contractors चा सरकारला अल्टिमेटम, अधिवेशन धोक्यात?

नागपूरमधील (Nagpur) कंत्राटदारांनी (Contractors) हिवाळी अधिवेशनाचे (Winter Session) काम करण्यास नकार दिल्यामुळे मोठा पेच निर्माण झाला आहे. सार्वजनिक बांधकाम विभागाकडे (PWD) गेल्या वर्षीची तब्बल ७८ कोटी रुपयांची बिलं थकल्याने कंत्राटदारांनी हा पवित्रा घेतला आहे. 'जोपर्यंत आम्हाला पैसे मिळत नाही, तोपर्यंत आम्ही कामावर बहिष्कार ठेवू,' असा थेट इशारा नागपूर कॉन्ट्रॅक्टर्स असोसिएशनने (Nagpur Contractors Association) दिला आहे. शासनाने दिवाळीपर्यंत पैसे देण्याचे आश्वासन दिले होते, पण ते पूर्ण न झाल्याने कंत्राटदारांमध्ये तीव्र नाराजी आहे. मुख्यमंत्र्यांनी लहान कंत्राटदारांचे पैसे प्राधान्याने देण्याचे आश्वासन देऊनही निधी उपलब्ध झालेला नाही. त्यामुळे विधानभवन, रविभवन, आणि आमदार निवास येथील ९४ कोटी रुपयांची नवीन डागडुजीची कामे रखडली आहेत.