Mumbai Metro Line 3: मुंबई मेट्रो 3 चा शेवटचा टप्पा कसा असणार? Special Report

मुंबईकरांसाठी एक महत्त्वाची बातमी आहे. मुंबई मेट्रो लाईन तीनच्या अखेरच्या टप्प्याचं उद्घाटन उद्या, आठ ऑक्टोबर रोजी होणार आहे. पंतप्रधान नरेंद्र मोदी हे उद्घाटन करतील. ही मेट्रो लाईन तीन, ज्याला 'Aqua Line' म्हणतात, दक्षिण मुंबईत धावणारी पहिली भूमिगत मेट्रो आहे. काळबादेवी स्टेशनवर प्लॅटफॉर्मपर्यंत पोहोचण्यासाठी जमिनीपासून पाच मजले खाली जावे लागते. या मेट्रोमुळे मुंबईकरांना काळबादेवीपासून कफ परेड आणि सिप्झपर्यंत प्रवास करता येणार आहे. मुंबईच्या मध्य भागातून पश्चिम उपनगरांमध्ये प्रवास करणे शक्य होईल. काळबादेवी स्टेशनजवळ आयनॉक्स चित्रपटगृह, मनीष मार्केट, मंगलदास मार्केट, लोकमान्य टिळक मार्ग पोलीस स्टेशन, सेंट झेवियर हायस्कूल, मुंबई पोलीस स्टेशन, जिमखाना, मरीन ड्राईव्ह बीच, झवेरी बाजार, स्वदेशी मार्केट, कमानीवाडी आणि मरीन लाईन्स रेल्वे स्टेशन यांसारखी ठिकाणे आहेत. ही मेट्रो सुरक्षित आणि आरामदायी प्रवासाची व्यवस्था देईल. यामुळे "कमीतकमी पैशांमध्ये आपण चांगल्यातल्या चांगल्या दर्जाचा प्रवास करू शकणार आहोत." यामुळे प्रवासाचा वेळ वाचेल आणि वाहतूक कोंडी कमी होईल.