Mumbai Hostage Crisis: 'A Thursday' पाहून Rohit Arya ने १७ मुलांना ओलिस ठेवले?

मुंबईच्या पवई (Powai) भागातील एका स्टुडिओमध्ये रोहित आर्य (Rohit Arya) नावाच्या व्यक्तीने १७ मुलांना ओलिस ठेवल्याची धक्कादायक घटना घडली आहे. आरोपी रोहित आर्याचे कृत्य 'अ थर्सडे' (A Thursday) या चित्रपटातील अभिनेत्री यामी गौतमने (Yami Gautam) साकारलेल्या भूमिकेसारखेच असल्याचा संशय व्यक्त होत आहे. या चित्रपटातून प्रेरणा घेऊनच त्याने हे कृत्य केले असावे, अशी शंका मुंबई पोलिसांना (Mumbai Police) आहे. रोहित आर्याने मुलांना एका वेब सिरीजच्या ऑडिशनसाठी बोलावून त्यांना स्टुडिओमध्ये डांबून ठेवले. पोलिसांनी केलेल्या कारवाईदरम्यान झालेल्या गोळीबारात आरोपी रोहित आर्य जखमी झाला आणि नंतर रुग्णालयात त्याचा मृत्यू झाला, तर सर्व मुलांची सुखरूप सुटका करण्यात आली.