Realty Boom: मुंबई-पुण्याची सरशी, घर आणि ऑफिस खरेदीत Delhi NCR ला टाकलं मागे!

देशातील सात प्रमुख शहरांमधील बांधकाम उद्योगाच्या सर्वेक्षणात एक मोठा बदल दिसून आला आहे. घर आणि कार्यालयीन खरेदीसाठी ग्राहकांनी मुंबई आणि पुण्याला सर्वाधिक पसंती दिली आहे, ज्यामुळे मागील तीन वर्षांपासून आघाडीवर असलेले दिल्ली एनसीआर (Delhi NCR) मागे पडले आहे. या सर्वेक्षणातील सर्वात महत्त्वाची गोष्ट म्हणजे यंदाच्या वर्षी मालमत्ता खरेदी-विक्रीचा ट्रेंड बदलत असल्याचे स्पष्ट झाले आहे. मुंबईत या वर्षाच्या पहिल्या नऊ महिन्यांत (जानेवारी ते सप्टेंबर) मालमत्ता विक्रीने एक लाख अकरा हजारांचा टप्पा ओलांडला आहे. या विक्रमी विक्रीमुळे महाराष्ट्र राज्य सरकारच्या तिजोरीत दहा हजार चौऱ्याण्णव कोटी रुपयांचा महसूल जमा झाला आहे. हा बदलता कल पाहता, देशातील रिअल इस्टेट बाजारात मुंबई आणि पुणे नवीन पसंतीची ठिकाणे म्हणून उदयास येत आहेत.