Shahu Maharaj Kolhapur : कोल्हापुरात दिवाळी फराळातून सामाजिक सलोख्याचा संदेश

कोल्हापूरच्या ऐतिहासिक बिंदू चौकात लोकराजा राजर्षी शाहू महाराज लोकोत्सव समितीच्या वतीने आयोजित दिवाळी फराळ कार्यक्रमात खासदार शाहू महाराज, काँग्रेस नेते सतेज पाटील आणि आमदार जयंत आसगावकर यांसारखे प्रमुख नेते उपस्थित होते. 'शाहू महाराजांनी शिवाजी महाराजांनी शिकवल्याप्रमाणे आपल्याला धर्मनिरपेक्ष वातावरण निर्माण कसं करायचं हे शिकवलं आहे आणि त्याच आधारे आपण सगळ्यांनी मिळून दिवाळीचा फराळ एकत्र केला आहे,' असे मत खासदार शाहू महाराज यांनी व्यक्त केले. या कार्यक्रमाला 'सण एकोपयासाठी, दिवाळी फराळ आपुलकीचा' असे नाव देण्यात आले होते. या कार्यक्रमाच्या माध्यमातून कोल्हापुरात सर्वधर्मीय नागरिकांनी एकत्र येत सामाजिक सलोख्याचा एक आदर्श निर्माण केला. शहरातील विविध राजकीय पक्षांचे नेते आणि सर्वसामान्य नागरिक मोठ्या संख्येने सहभागी झाले होते.