Satara Doctor Case : '...राजकारण केलं जातंय', महिला डॉक्टर मृत्यू प्रकरणी रणजित Nimbalkar यांचा आरोप

फलटणमधील महिला डॉक्टरच्या आत्महत्येप्रकरणी माढ्याचे खासदार रणजितसिंह नाईक-निंबाळकर (MP Ranjeetsinh Naik Nimbalkar) यांच्यावर आरोप झाल्यानंतर राजकीय वातावरण तापले आहे. यावर प्रतिक्रिया देताना निंबाळकर म्हणाले, 'आत्महत्येचे गलिच्छ राजकारण केलं जात आहे, जसं महाराष्ट्रात काही झालं तर मुख्यमंत्री देवेंद्र फडणवीस यांच्यावर आरोप केला जातो तसं इथे काही झालं तर आमच्या नावाची बदनामी करायची अशी परंपराच घडली आहे'. शिवसेना (UBT) नेते अंबादास दानवे यांनी निंबाळकर यांच्यावर अधिकाऱ्यांवर दबाव आणल्याचा आरोप केला होता. डॉ. संपदा मुंडे यांनी आत्महत्येपूर्वी लिहिलेल्या चिठ्ठीत पोलीस आणि आरोग्य विभागातील वादामुळे आपल्यावर अन्याय होत असल्याची तक्रार वरिष्ठांकडे केली होती. या प्रकरणात सखोल आणि निष्पक्ष तपास व्हावा, अशी मागणी निंबाळकर यांनी सरकारकडे केली आहे.