Sangram Jagtap : यंदाच्या दिवाळीत फक्त हिंदूंकडूनच खरेदी करा - संग्राम जगताप

सोलापूरमध्ये (Solapur) झालेल्या हिंदू जनआक्रोश मोर्चात (Hindu Jan Akrosh Morcha) आमदार संग्राम जगताप (Sangram Jagtap) यांनी केलेल्या एका वक्तव्यामुळे नवा वाद निर्माण झाला आहे. 'खरेदी करत असताना आपला पैसा, आपली खरेदी आणि आपल्याला जो नफा मिळतो तो फक्त आणि फक्त हिंदू माणसालाच झाला पाहिजे,' असे म्हणत जगताप यांनी दिवाळीत फक्त हिंदू विक्रेत्यांकडूनच खरेदी करण्याचे आवाहन केले आहे. त्यांच्या या वक्तव्यानंतर राजकीय वर्तुळात चर्चांना उधाण आले आहे. एमआयएमचे (MIM) प्रदेशाध्यक्ष आणि खासदार इम्तियाज जलील (Imtiaz Jaleel) यांनी जगताप यांच्यावर केलेल्या टीकेबद्दल विचारले असता, त्यांनी त्यावर बोलण्यास नकार दिला. आगामी सणासुदीच्या काळात अशा प्रकारच्या वक्तव्यांमुळे सामाजिक सलोखा बिघडू शकतो, अशी भीती व्यक्त केली जात आहे.