Dharmarao Baba Atram :'BJP ने मला पाडण्यासाठी 5 कोटी दिले', आमदार Dharmarao Baba Atram यांचा खळबळजनक आरोप

आमदार धर्मराव बाबा अत्राम (Dharmarao Baba Atram) यांनी भारतीय जनता पक्षावर (BJP) गंभीर आरोप केल्याने राजकीय वर्तुळात खळबळ उडाली आहे. 'विधानसभेमध्ये आपल्याला पाडण्यासाठी भाजपने पाच कोटी रुपये देऊन डमी उमेदवार उभा केला होता', असा खळबळजनक आरोप आमदार धर्मराव बाबा अत्राम यांनी केला आहे. या आरोपानंतर विविध राजकीय प्रतिक्रिया उमटत असून, राज्याचे अन्न आणि नागरी पुरवठा मंत्री छगन भुजबळ (Chhagan Bhujbal) यांनीही यावर भाष्य केले. 'काही ठिकाणी स्थानिक पातळीवर असे प्रकार झाले आहेत', असे म्हणत भुजबळ यांनी अत्राम यांच्या आरोपात तथ्य असल्याचे संकेत दिले. इतकेच नाही, तर 'जरांगेंच्या (Jarange) सांगण्यावरून येवल्यातही आमच्याच काही लोकांनी विरोधात प्रचार केला', अशी कबुलीही भुजबळ यांनी दिली, ज्यामुळे पक्षांतर्गत मतभेद पुन्हा एकदा समोर आले आहेत.