Bachchu Kadu : 'लेखी आश्वासन दिल्याशिवाय मागे हटणार नाही', बच्चू कडूंचा इशारा

शेतकऱ्यांच्या संपूर्ण कर्जमाफीच्या (Farm Loan Waiver) मागणीसाठी आमदार बच्चू कडू (MLA Bachchu Kadu) यांनी नागपुरात (Nagpur) भव्य ट्रॅक्टर मोर्चाचे (Tractor Morcha) आयोजन केले आहे, ज्यामध्ये महादेव जानकर (Mahadev Jankar), राजू शेट्टी (Raju Shetti) आणि अजित नवले (Ajit Navale) हे नेतेही सहभागी होणार आहेत. 'लेखी आश्वासन दिल्याशिवाय अन् ती ऑन द स्पॉट असल्याशिवाय आम्ही कुठल्याही प्रकारचं आंदोलन मागे घेणार नाही,' अशी ठाम भूमिका बच्चू कडू यांनी स्पष्ट केली आहे. अमरावतीच्या निवासस्थानावरून हजारो शेतकऱ्यांसह शेकडो ट्रॅक्टर घेऊन हा मोर्चा नागपूरकडे कूच करत आहे. मुख्यमंत्र्यांनी चर्चेसाठी बोलावले असले तरी, कार्यकर्त्यांशी चर्चा करूनच बैठकीला जायचे की नाही याचा निर्णय घेतला जाईल, असे कडू यांनी म्हटले आहे. याआधी रायगड येथील उपोषणावेळी सरकारने आठ दिवसांत निर्णय घेण्याचे आश्वासन दिले होते, मात्र अनेक महिने उलटूनही निर्णय न झाल्याने कार्यकर्त्यांचा बैठकांवरील विश्वास उडाल्याचे कडू यांनी नमूद केले. त्यामुळे आता ठोस लेखी आश्वासनाशिवाय आंदोलन मागे घेणार नसल्याचा इशारा त्यांनी दिला आहे.