Mira Road Language Row | महापालिका निवडणुकीपूर्वी मराठी-अमराठी संघर्ष तीव्र, MNS-ठाकरे गट रस्त्यावर

महापालिका निवडणुकांच्या तोंडावर मराठी आणि अमराठी यांच्यातील संघर्ष मीरा रोडमध्ये तीव्र झाला आहे. मराठी बोलण्यास नकार देणाऱ्या व्यापाऱ्याला मनसे पदाधिकाऱ्यांनी मारहाण केली. या घटनेनंतर परप्रांतीय व्यापाऱ्यांनी गुरुवारी मोर्चा काढला. या मोर्चाला प्रत्युत्तर देण्यासाठी मनसे, ठाकरेंची शिवसेना आणि महाराष्ट्र एकीकरण समितीनं विराट मोर्चा काढला. पोलिसांनी मोर्चासाठी कडक बंदोबस्त ठेवला होता. मनसे नेते अविनाश जाधव यांना मध्यरात्री ताब्यात घेण्यात आले, मात्र नंतर त्यांची सुटका झाली आणि ते मोर्चात सहभागी झाले. मोर्चासाठी रस्त्यावर उतरलेल्या कार्यकर्त्यांची पोलिसांनी धरपकड केली. अनेक महिला आंदोलकही यात सहभागी होत्या. महिला आंदोलक आणि पोलिस यांच्यात अनेक ठिकाणी हुज्जत झाली. अखेर पोलिसांच्या परवानगीविनाच ओम शांती चौकाच्या दिशेनं मोर्चा निघाला. माजीवाडाचे आमदार प्रताप सरनाईक मोर्चाच्या ठिकाणी पोहोचले, मात्र त्यांना 'पन्नास खोके एकदम ओके' च्या घोषणांचा सामना करावा लागला आणि त्यांना दहा ते पंधरा मिनिटांत माघारी परतावं लागलं. संदीप देशपांडे, नितीन सरदेसाई आणि ठाकरेंच्या शिवसेनेचे माजी खासदार राजन विचारे यांनीही मोर्चाला पाठिंबा दिला. एका नेत्याने सांगितले की, "मी मोर्चा मराठीसाठी काढतोय आणि मराठीसाठी ज्यावेळेला मी मोर्चा काढतोय त्या वेळेला अधिवेशन चालू आहे. महाराष्ट्रात तो याचा त्रास तुम्हाला होणार नाहीये का, तर ते म्हणाले अविनाश मला हे सगळं माहिती आहे पण माझ्यावर खूप दबाव आहे, मला तुकडं घेऊन जाण्याच्या बाबतीत." महापालिकेच्या तोंडावर मराठी विरुद्ध अमराठी हा संघर्ष आणखी तीव्र होत चालला आहे.