Manoj Jarange Security | Manoj Jarange यांच्या Hospital मध्ये Police बंदोबस्त वाढवला, OBC नेत्यांशी वाद हे कारण

मनोज जरांगे पाटील छत्रपती संभाजीनगर येथील एका खाजगी रुग्णालयात उपचार घेत आहेत. त्यांच्या सुरक्षेसाठी रुग्णालयात अचानक पोलिस बंदोबस्त वाढवण्यात आला आहे. दोन अधिकारी आणि दहापेक्षा अधिक कर्मचारी चोवीस तास तैनात करण्यात आले आहेत, ज्यात दोन महिला कर्मचाऱ्यांचाही समावेश आहे. रुग्णालयाच्या प्रवेशद्वारावर आणि जरांगे यांच्या उपचार कक्षाबाहेरही बंदोबस्त वाढवण्यात आला आहे. गेल्या दोन दिवसांपासून ओबीसी नेते आणि मराठा आंदोलक मनोज जरांगे पाटील यांच्यात टोकाची टीका सुरू आहे. यामुळे कोणताही अनुचित प्रकार घडू नये आणि कायदा सुव्यवस्थेचा प्रश्न निर्माण होऊ नये यासाठी पोलिस प्रशासनाने ही खबरदारी घेतली आहे. मनोज जरांगे पाटील यांच्यावर उपचार सुरू असलेल्या ठिकाणी पोलिसांचा कडेकोट बंदोबस्त ठेवण्यात आला आहे.