Maratha Quota Row: 'माझ्या हत्येचा कट रचला गेला', Manoj Jarange पाटलांचा Dhananjay Munde यांच्यावर थेट आरोप

मराठा आरक्षणाचे नेते मनोज जरांगे पाटील यांनी मंत्री धनंजय मुंडे यांच्यावर त्यांच्या हत्येचा कट रचल्याचा गंभीर आरोप केल्याने महाराष्ट्राच्या राजकारणात खळबळ उडाली आहे. 'सहा कोटी मराठ्यांचे दैवत मनोजराव जरांगे पाटील यांचा हत्येचा कट रचला गेला बीड जिल्ह्यातून,' असा दावा जरांगे समर्थकांनी केला आहे. जरांगे यांनी स्वतः पत्रकार परिषद घेऊन धनंजय मुंडे यांनीच हा कट रचल्याचा थेट आरोप केला आहे. या प्रकरणी पोलिसांनी दोन आरोपींना ताब्यात घेतले असून, अडीच कोटी रुपयांची सुपारी दिल्याचा दावा केला जात आहे. दुसरीकडे, ओबीसी नेते लक्ष्मण हाके यांनी हे आरोप फेटाळले असून, जरांगे प्रसिद्धीसाठी ओबीसी नेत्यांना लक्ष्य करत असल्याचे म्हटले आहे. राष्ट्रवादी काँग्रेसचे नेते आणि मंत्री नरहरी झिरवळ यांनी निवडणुकीच्या तोंडावर सत्ताधाऱ्यांवर असे आरोप होत असतात, अशी प्रतिक्रिया दिली आहे. धनंजय मुंडे यांनी हे सर्व आरोप फेटाळून लावत सीबीआय चौकशीची मागणी केली आहे.