Mango Season Delay |कोकणात आंबा हंगाम लांबणार, मोहोर प्रक्रियेवर पावसाचा परिणाम

लांबलेल्या पावसामुळे कोकणातील आंबा बागायतदारांची चिंता वाढली आहे. ऑक्टोबर महिन्यातही पाऊस सुरू असल्याने हापूस आंब्याचा हंगाम लांबण्याची शक्यता आहे. सध्या जमिनीमध्ये ओलावा असून, मोहोर प्रक्रियेसाठी कडक उन्हाची गरज आहे. जमिनीतला गारवा जाऊन उष्णता वाढल्यास मोहोर प्रक्रिया वेळेत होऊ शकते, मात्र सततच्या पावसामुळे मोहोर प्रक्रियेवर परिणाम होत आहे. हापूस आंबा उत्पादक शेतकरी व्यक्त करतायत की, "आंबा हंगाम किमान तीस ते चाळीस दिवस लांबण्याची शक्यता आहे." मे महिन्याच्या मध्यापासून आलेल्या पावसामुळे शेवटच्या टप्प्यातील हापूस आंबा हंगाम पूर्णपणे वाया गेला होता. आताही पाऊस लांबल्याने मोहोर प्रक्रियेला फटका बसू शकतो. दुसरीकडे, उपाययोजना मिळत नसल्याने शेतकरी आक्रमक झाले आहेत. सर्व ९४५ वरिष्ठ शेतकऱ्यांना मदत कधी मिळणार, असा प्रश्न ते विचारत आहेत. शेतकऱ्यांसोबत दुजाभाव केला जात असल्याचा आरोपही त्यांनी केला आहे.