Political War: नांदेडमध्ये महायुतीत उभी फूट, चव्हाण-चिखलीकर आमनेसामने

नांदेडमध्ये (Nanded) महायुतीमध्ये (Mahayuti) अंतर्गत कलह उफाळून आला असून, भाजप खासदार अशोक चव्हाण (Ashok Chavan) आणि राष्ट्रवादीचे आमदार प्रताप पाटील चिखलीकर (Pratap Patil Chikhalikar) यांच्यात शाब्दिक युद्ध पेटले आहे. 'माझं नाव घेतल्याशिवाय चव्हाणांना समाजामध्ये स्थानच नाही,' अशी घणाघाती टीका चिखलीकर यांनी केली आहे. हदगावमधील सभेत, 'काही लोकांना माझं नाव घेतल्याशिवाय जेवण जात नाही,' असा टोला चव्हाणांनी लगावला होता. याला उत्तर देताना चिखलीकरांनी, वडिलांच्या पुण्याईमुळे संधी मिळाल्याचा उल्लेख करत, 'माझ्यावर टीका करून संधी मिळविण्याचा प्रयत्न आहे,' असे म्हटले. तसेच, छोट्या कार्यकर्त्यांमध्ये भांडणे लावून स्वतःचे हित साधण्याची सवय असल्याचा आरोपही त्यांनी केला. या वादामुळे नांदेडमधील महायुतीच्या ऐक्यावर प्रश्नचिन्ह निर्माण झाले आहे.