Voter List Row : 'पैसे घेऊन नोंदणी करतात', BJP आमदार Manda Mhatre यांचा अधिकाऱ्यांवरच थेट आरोप

महाराष्ट्रात मतदार याद्यांमधील गोंधळावरून सत्ताधारी पक्षाच्या आमदारांनीच निवडणूक आयोगाला धारेवर धरले आहे. राष्ट्रवादी काँग्रेसचे सतीश चव्हाण, शिवसेनेचे संजय गायकवाड, आणि भाजपच्या मंदा म्हात्रे व देवयानी फरांदे यांनी बोगस आणि दुबार मतदारांवरून गंभीर आरोप केले आहेत. 'ही ठरावीक लोक असतात. ही पैसे घेऊन नोंदणी जर करतात तर करतात आणि लोक इकडनं तिकडनं गावाकडून आणून सकाळ सकाळ ते मतदान करूनही ते जातात,' असा थेट आरोप भाजप आमदार मंदा म्हात्रे यांनी केला आहे. आमदार सतीश चव्हाण यांनी गंगापूर मतदारसंघात ३६ हजार नावे दुबार असल्याचा दावा केला आहे. तर, बुलडाण्यात एक लाखापेक्षा जास्त बोगस मतदार असून, मृत आणि स्थलांतरित नागरिकांची नावेही यादीत कायम असल्याचा आरोप संजय गायकवाड यांनी केला आहे. या संपूर्ण प्रकरणाची सखोल चौकशी करण्याची मागणी आमदार देवयानी फरांदे यांनी केली आहे.