Voter List Row: Voter List Row: मतदार यादीतील गोंधळ, निवडणूक आयोगाकडून सखोल चौकशीचे आदेश

मतदार यादीतील गोंधळाच्या (Voter List Irregularities) पार्श्वभूमीवर विरोधी पक्षनेते शरद पवार (Sharad Pawar), उद्धव ठाकरे (Uddhav Thackeray) आणि राज ठाकरे (Raj Thackeray) यांनी निवडणूक आयोगाची (Election Commission) भेट घेऊन तक्रार दाखल केली. 'जोपर्यंत मतदार यादीतील घोळ सुधारत नाही, तोपर्यंत निवडणूक पुढे ढकलावी, अशी आमची मागणी आहे,' असे काँग्रेस नेते अतुल लोंढे (Atul Londhe) यांनी म्हटले आहे. विरोधकांच्या गंभीर आरोपांनंतर, मुख्य निवडणूक अधिकारी एस. चोकलिंगम (S. Chockalingam) यांनी जिल्हाधिकाऱ्यांना चौकशी करून अहवाल सादर करण्याचे आदेश दिले आहेत. नागपूरमध्ये एकाच घरात २०० मतदार असल्याच्या आरोपावर, तो झोपडपट्टी परिसर असल्याने एकाच घर क्रमांक नोंदवला गेल्याचा प्राथमिक खुलासा समोर आला आहे. तसेच, दहिसर आणि भांडूपमधील महिला मतदारांची नावे अनेक ठिकाणी असल्याची तक्रारही करण्यात आली होती, ज्यातील काही नावे हटवण्यात आल्याचे सांगण्यात येत आहे. या संपूर्ण प्रकरणाची चौकशी करून दोषी अधिकाऱ्यांवर कारवाई केली जाईल, असे निवडणूक आयोगाने स्पष्ट केले आहे.