Maharashtra Politics: 'उद्धव ठाकरेंसोबतही लढणार नाही', Bhai Jagtap यांचा मुंबईत काँग्रेसच्या स्वबळाचा नारा

स्थानिक स्वराज्य संस्थांच्या निवडणुकीच्या तोंडावर महाराष्ट्राचे राजकारण तापले आहे, मुख्यमंत्री देवेंद्र फडणवीस आणि काँग्रेस नेते भाई जगताप यांच्या वक्तव्यांनी नवी समीकरणे समोर आणली आहेत. ‘उद्धव ठाकरेंसोबतही लढणार नाही,’ असे काँग्रेस नेते भाई जगताप यांनी स्पष्ट केले आहे. त्यामुळे मुंबई महानगरपालिका निवडणुकीत काँग्रेसने स्वबळाचा नारा देत महाविकास आघाडीत वेगळी चूल मांडण्याचे संकेत दिले आहेत. दुसरीकडे, मुख्यमंत्री देवेंद्र फडणवीस यांनी महायुती मुंबईत एकत्र लढेल, पण राज्याच्या इतर भागात परिस्थितीनुसार वेगळे लढून नंतर एकत्र येऊ शकते, अशी रणनीती जाहीर केली आहे. यातच, महाविकास आघाडीत मनसेच्या समावेशाबद्दलही जोरदार चर्चा सुरू असून, या सर्व घडामोडींमुळे आगामी स्थानिक स्वराज्य संस्थांच्या निवडणुकीत महायुती विरुद्ध विखुरलेली महाविकास आघाडी असे चित्र निर्माण होण्याची शक्यता आहे.