Maharashtra Politics: ऑलिंपिक असोसिएशनवर अजितदादांचेच वर्चस्व, मोहोळ यांची माघार

महाराष्ट्र ऑलिम्पिक असोसिएशनच्या (Maharashtra Olympic Association) अध्यक्षपदाच्या निवडणुकीत अखेर उपमुख्यमंत्री अजित पवार (Ajit Pawar) आणि केंद्रीय राज्यमंत्री मुरलीधर मोहोळ (Muralidhar Mohol) यांच्यात समझोता झाला आहे. 'अजित पवार यांची बिनविरोध निवड निश्चित झाली आहे तर मुरलीधर मोहोळ यांची वरिष्ठ उपाध्यक्ष म्हणून निवड होण्याची शक्यता आहे,' असे सूत्रांनी सांगितले. गेल्या १२ वर्षांपासून अध्यक्ष असलेल्या अजित पवार यांना मोहोळ यांनी आव्हान दिल्याने ही निवडणूक प्रतिष्ठेची बनली होती. मात्र, मुख्यमंत्री आणि उपमुख्यमंत्री देवेंद्र फडणवीस यांच्या पुढाकाराने मुंबईत झालेल्या चर्चेनंतर यावर तोडगा काढण्यात आला, ज्यामुळे उद्या होणारी निवडणूक टळली आहे. या नव्या फॉर्म्युल्यानुसार, अजित पवार अध्यक्षपदी कायम राहतील, तर मुरलीधर मोहोळ यांना वरिष्ठ उपाध्यक्षपद दिले जाईल, अशी माहिती आहे.