Maharashtra Superfast News | सुपरफास्ट बातम्या | Maharashtra News | 6 OCT 2025 | ABP Majha

राज्यात राजकीय घडामोडींना वेग आला आहे. जरांगे यांनी काँग्रेस नेते विजय वडेट्टीवार आणि मंत्री छगन भुजबळ यांच्यात गुप्त बैठक झाल्याचा दावा केला आहे. या बैठकीत भुजबळ यांनी 'अजित पवार यांनी मला गुंतवले आहे, ओबीसी आंदोलनाचे नेतृत्व काँग्रेसकडे द्यावे' असे म्हटल्याचा जरांगे यांचा दावा आहे. यावर भुजबळ यांनी जरांगे यांच्यावर हल्लाबोल करत 'जरांगे मराठ्यांचा नाही, वाळू चोर आणि दारूचे धंदे करणाऱ्यांचा नेता आहे' अशी टीका केली. विजय वडेट्टीवार यांनीही 'जरांगेच्या डोक्यात हवा गेली आहे' असे प्रत्युत्तर दिले. बोगस कागदपत्रांच्या आधारे कुणबी प्रमाणपत्र दिल्यास ओबीसी महासंघ शांत बसणार नाही, असा इशारा बबनराव गायकवाड यांनी दिला आहे. मनसे आणि शिवसेनेच्या युतीची चर्चा सुरू असून खासदार संजय राऊत यांनी महाविकास आघाडी कायम असल्याचे म्हटले आहे. राज्यात अतिवृष्टीमुळे शेतीचे मोठे नुकसान झाले असून शेतकऱ्यांनी मदतीची मागणी केली आहे. कोल्ड्रिप सिरपच्या विक्रीवर बंदी घालण्यात आली आहे. आनंदाचा शिधा योजना आर्थिक अडचणींमुळे बंद होण्याची शक्यता आहे.