MLA Fund Row: 'पाच कोटी रुपये ही लाच आहे', Mahayuti सरकारच्या निर्णयावर Sanjay Raut यांचा हल्लाबोल

स्थानिक स्वराज्य संस्थांच्या निवडणुका डोळ्यासमोर ठेवून सत्ताधारी महायुती सरकारने ५४ नवीन आमदारांना प्रत्येकी पाच कोटींचा, म्हणजेच एकूण २७० कोटी रुपयांचा निधी मंजूर केला आहे. सरकारच्या या निर्णयावर टीका करताना खासदार संजय राऊत म्हणाले, 'जनतेचा पैसा हा माझ्या खिशातला पैसा आहे अशा पद्धतीनं वाटप आपापल्या लोकांमध्ये सुरू आहे, पाच कोटी रुपये ही लाच आहे'. या निर्णयामुळे महायुतीमधील जुन्या आमदारांमध्ये नाराजी पसरली असून, त्यांना प्रत्येकी दोन ते अडीच कोटींचा निधी देण्याबाबत विचार सुरू असल्याची माहिती आहे. दुसरीकडे, निधी वाटपात कोणताही दुजाभाव करू नये या शपथेशी प्रतारणा होत असल्याचा आरोप विरोधकांनी केला आहे, तर नवीन आमदारांना स्थायिक होण्यासाठी निधीची गरज असल्याचे सत्ताधारी आमदारांचे म्हणणे आहे.