Maharashtra Civic Polls: अखेर बिगुल वाजला! आधी नगरपालिका, मग जिल्हा परिषद अन् शेवटी महापालिका निवडणुका

राज्यात स्थानिक स्वराज्य संस्थांच्या निवडणुकांचा (Local Body Elections) बिगुल लवकरच वाजणार आहे. निवडणूक आयोगाच्या (Election Commission) माहितीनुसार, पुढच्या आठवड्यात याबाबत घोषणा होण्याची दाट शक्यता आहे. शेवटच्या टप्प्यामध्ये महानगरपालिका निवडणुका जाहीर होणार असल्याची माहिती निवडणूक आयोगाकडून समोर आली आहे. निवडणुका तीन टप्प्यांमध्ये होणार असून, पहिल्या टप्प्यात २४६ नगरपालिका (Municipal Councils) आणि ४२ नगरपंचायतींच्या (Nagar Panchayats) निवडणुका पार पडतील. त्यानंतर दुसऱ्या टप्प्यात जिल्हा परिषद (Zilla Parishad) आणि पंचायत समित्यांच्या (Panchayat Samiti) निवडणुकांची घोषणा होऊ शकते. संपूर्ण निवडणूक प्रक्रिया २१ दिवसांची असेल आणि लवकरच आचारसंहिता लागू होण्याची शक्यता वर्तवण्यात येत आहे.