Maharashtra Crime: 'वर्दीतले गुंड बलात्कार करत असतील तर गृहमंत्री काय करत आहेत?', विरोधकांचा संतप्त सवाल

सातारा जिल्ह्यातील महिला डॉक्टरच्या आत्महत्येच्या (Female Doctor Suicide) प्रकरणावरून विरोधकांनी सरकार आणि गृहमंत्री देवेंद्र फडणवीस (Devendra Fadnavis) यांना धारेवर धरले आहे. 'वर्दीतले गुंड जर का बलात्कार करत असतील, तर राज्याचे गृहमंत्री काय करत आहेत?', असा संतप्त सवाल विरोधी पक्षनेते विजय वडेट्टीवार (Vijay Wadettiwar) यांनी केला आहे. राज्यात कायदा आणि सुव्यवस्था पूर्णपणे ढासळली असून सट्टा, ड्रग्स आणि बलात्कारासारखे गुन्हे राजरोसपणे सुरू असल्याचा आरोपही विरोधकांनी केला आहे. एका उच्चशिक्षित डॉक्टर महिलेला जर सुरक्षा मिळत नसेल, तर सामान्य नागरिकांचे काय, असा प्रश्न उपस्थित करत या प्रकरणाची फास्ट ट्रॅकवर चौकशी करण्याची मागणी मुख्यमंत्र्यांकडे करण्यात आली आहे.