Welfare Schemes: 'माझी लाडकी बहीण, शिवभोजन थाळी बंद होणार नाही', सरकारच्या आश्वासनाने चर्चांना पूर्णविराम?

राज्यातील शेतकऱ्यांसाठी जाहीर करण्यात आलेले मदत पॅकेज आणि 'मुख्यमंत्री माझी लाडकी बहीण' व 'शिवभोजन थाळी' यांसारख्या कल्याणकारी योजनांच्या सद्यस्थितीवर सरकारकडून स्पष्टीकरण देण्यात आले आहे. 'मुख्यमंत्री माझी लाडकी बहीण सारख्या योजना कधी बंद होणार नाहीत, ही सरकारची भूमिका आहे आणि ती कायम राहणार आहे', असे आश्वासन देत सरकारने या योजना बंद होणार असल्याच्या चर्चांना उत्तर दिले आहे. निसर्गाच्या प्रकोपामुळे शेतकऱ्यांचे मोठे नुकसान झाले असून, शेती, घरे आणि गुरे-ढोरे उद्ध्वस्त झाली आहेत. अशा परिस्थितीत, शेतकऱ्यांना मदत करण्यासाठी सरकारने 32 हजार कोटी रुपयांचे पॅकेज वाटले असल्याचे म्हटले आहे. या मोठ्या खर्चामुळे तिजोरीवर ताण येत असला तरी, सर्व गोष्टी पुन्हा सुरळीत होतील आणि गोरगरिबांसाठीच्या योजना अविरत सुरू राहतील, असा विश्वास सरकारने व्यक्त केला आहे.