Real Estate Relief: निवडणुकांच्या तोंडावर हजारो इमारतींना दिलासा, सरकारची अभय योजना जाहीर

राज्य सरकारने भोगवटा प्रमाणपत्र (OC) नसलेल्या हजारो इमारतींसाठी 'अभय योजना' जाहीर केली आहे, ज्यामुळे लाखो सदनिका धारकांना मोठा दिलासा मिळाला आहे. आगामी स्थानिक स्वराज्य संस्थांच्या निवडणुकांच्या पार्श्वभूमीवर हा निर्णय महत्त्वाचा मानला जात आहे. धोरणाची अंतिम रूपरेषा ठरवताना, आता वैयक्तिक सदनिकांसाठी सुद्धा अंशतः भोगवटा प्रमाणपत्र (Partial OC) देण्याचा विचार या योजनेत समाविष्ट आहे. या योजनेच्या प्रभावी अंमलबजावणीसाठी नगरविकास विभागाने संबंधित महापालिकेला स्वतंत्र मार्गदर्शक तत्त्वे तयार करण्याच्या सूचना दिल्या आहेत, जेणेकरून प्रलंबित प्रकरणे वेगाने निकाली काढता येतील.