Solapur Railway : सोलापूर-तुळजापूर-उस्मानाबाद रेल्वेला गती, राज्य सरकार ५० टक्के खर्च उचलणार!

सोलापूर-तुळजापूर-उस्मानाबाद (Solapur-Tuljapur-Osmanabad) या नव्या ब्रॉडगेज रेल्वे मार्गाच्या कामाला आता गती मिळणार आहे. राज्य मंत्रिमंडळाच्या बैठकीत या मार्गाच्या सुधारित खर्चास आणि सरकारच्या ५० टक्के हिश्शाला मंजुरी देण्यात आली आहे. राज्य सरकारची पन्नास टक्के हिश्शानुसार अधिकचा निधी देण्यास मान्यता मिळालेली आहे. या प्रकल्पामुळे सोलापूर, तुळजापूर आणि उस्मानाबाद दरम्यानची कनेक्टिव्हिटी वाढणार असून, तुळजापूरला जाणाऱ्या भाविकांची मोठी सोय होणार आहे. एकूण ८४.४४ किमी लांबीच्या या मार्गावर १० स्टेशन्स प्रस्तावित आहेत. या निर्णयामुळे अनेक वर्षांपासून प्रलंबित असलेल्या या रेल्वेमार्गाच्या कामातील मोठा अडथळा दूर झाला असून, मराठवाड्यातील विकासाला चालना मिळण्यास मदत होईल.