MVA Alliance: 'एकत्र लढणार', कोल्हापूर स्थानिक निवडणुकांसाठी महाविकास आघाडीचा निर्धार

कोल्हापूर (Kolhapur) जिल्ह्यातील स्थानिक स्वराज्य संस्थांच्या (Local Body Elections) निवडणुकांवरून महाविकास आघाडीमध्ये (Maha Vikas Aghadi) मोठी घडामोड समोर आली आहे. काँग्रेस नेते सतेज पाटील (Satej Patil), शिवसेनेचे (UBT) नेते विनायक राऊत (Vinayak Raut) आणि सुनिल प्रभू (Sunil Prabhu) यांच्या उपस्थितीत झालेल्या बैठकीत महत्त्वाचा निर्णय घेण्यात आला. 'कोल्हापूर जिल्ह्यात या सगळ्या निवडणुका महाविकास आघाडी म्हणून एकत्र लढविण्याचा निर्णय झालाय,' अशी माहिती या बैठकीनंतर देण्यात आली. या बैठकीत जागा वाटपावर कोणताही अंतिम निर्णय झाला नसून, तो स्थानिक पातळीवर घेतला जाईल असे ठरले आहे. तसेच, स्वाभिमानी शेतकरी संघटनेला आघाडीत सामील करून घेण्यासाठी पुढील दोन दिवसांत शाहू महाराज (Shahu Maharaj) यांच्या उपस्थितीत विशेष बैठक आयोजित केली जाणार असल्याचेही स्पष्ट झाले आहे. या निर्णयामुळे कोल्हापूर जिल्ह्यातील आगामी स्थानिक निवडणुकांमध्ये महायुतीसमोर MVA ने एक तगडे आव्हान उभे केले आहे.