M K Stalin Challenge SIR : एसआयआरच्या विरोधात स्टॅलिन सरकार सुप्रीम कोर्टात जाणार

मुख्यमंत्री एम. के. स्टॅलिन (M. K. Stalin) यांच्या अध्यक्षतेखाली झालेल्या सर्वपक्षीय बैठकीत निवडणूक आयोगाच्या (Election Commission) विशेष सखोल पुनरीक्षण (Special Intensive Revision - SIR) मोहिमेला सर्वोच्च न्यायालयात (Supreme Court) आव्हान देण्याचा निर्णय घेण्यात आला आहे. 'हा उपक्रम लोकशाहीविरोधी आणि तमिळनाडूच्या जनतेच्या हिताविरोधात आहे,' अशी टीका स्टॅलिन सरकारने केली आहे. तमिळनाडूमध्ये २०२६ मध्ये होणाऱ्या विधानसभा निवडणुकीपूर्वी (Assembly elections) ही मोहीम राबवली जात आहे. या प्रक्रियेमुळे मतदार याद्यांमधून मोठ्या प्रमाणात नावे वगळली जाण्याची भीती व्यक्त होत आहे. यापूर्वी बिहारमध्ये राबवण्यात आलेल्या 'एसआयआर' (SIR) मोहिमेला न्यायालयात आव्हान देण्यात आले होते आणि ते प्रकरण अद्याप प्रलंबित आहे. निवडणूक आयोगाने मात्र ही प्रक्रिया अधिक पारदर्शक आणि मतदार याद्या अद्ययावत करण्यासाठी आवश्यक असल्याचे म्हटले आहे.