Kartiki Mahapuja : 'उपमुख्यमंत्र्यांसोबत जिल्हा परिषदेचे विद्यार्थी पूजा करणार', शिक्षणमंत्री Dada Bhuse यांचा प्रस्ताव

कार्तिकी एकादशीच्या महापूजेच्या नियोजनासंदर्भात एक महत्त्वाचा प्रस्ताव समोर आला आहे. शालेय शिक्षण मंत्री दादा भुसे यांनी ही माहिती दिली असून, यावर्षीपासून महापूजेसाठी एक नवीन प्रथा सुरू करण्याचा विचार आहे. दादा भुसे यांनी दिलेल्या माहितीनुसार, 'कार्तिकी एकादशीच्या महापूजेला उपमुख्यमंत्री, वारकरी प्रतिनिधी आणि दोन जिल्हा परिषद शाळेतील विद्यार्थ्यांना सहभागी करून घेण्याचा प्रस्ताव आहे'. या प्रस्तावावर एकादशीच्या नियोजन बैठकीत चर्चा झाली असून आता यावर विठ्ठल मंदिर समिती काय निर्णय घेणार याकडे सर्वांचे लक्ष लागले आहे. ही नवीन प्रथा लागू झाल्यास, शासकीय महापूजेच्या परंपरेत सर्वसामान्यांना आणि विशेषतः विद्यार्थ्यांना एक महत्त्वाचे स्थान मिळेल. दरम्यान, कार्तिकी एकादशीच्या यात्रेसाठी भाविकांच्या सोयीसाठी यंदा एक हजार पन्नास अतिरिक्त बसेस सोडण्यात येणार असल्याचेही स्पष्ट झाले आहे.