Kalyan Clash: 'माझ्या डोक्यात रॉड घातला', NCP पदाधिकारी Sandhya Sathe यांना जमावाकडून जबर मारहाण

कल्याणच्या (Kalyan) मोहने (Mohane) परिसरात फटाक्यांवरून झालेल्या वादातून दोन गटांमध्ये भीषण संघर्ष झाला. या घटनेत राष्ट्रवादी काँग्रेसच्या पदाधिकारी संध्या साठे (Sandhya Sathe) यांना जमावाने मारहाण केली. ‘माझ्याही डोक्यात रॉड घातलाय,’ अशी आपबिती हल्ल्यात जखमी झालेल्या राष्ट्रवादीच्या पदाधिकारी संध्या साठे यांनी सांगितली आहे. जुन्या वादातून बुधवारी मध्यरात्री हा प्रकार घडला, ज्यात जमावाने घरांवर दगडफेक करून तोडफोड केली आणि महिलांनाही मारहाण केली. पोलिसांच्या उपस्थितीतच हा हिंसाचार सुरू असल्याचा आरोप प्रत्यक्षदर्शींनी केला आहे. याप्रकरणी खडकपाडा पोलीस ठाण्यात (Khadakpada Police Station) दोन्ही गटांविरोधात परस्परविरोधी गुन्हे दाखल करण्यात आले असून, काही जणांना ताब्यात घेतले आहे. सध्या परिसरात तणावपूर्ण शांतता आहे.