Jellyfish Alert: 'जेलीफिशना स्पर्श करू नका', प्रशासनाचा कोकणातील पर्यटकांना गंभीर इशारा

कोकणातील समुद्रकिनाऱ्यांवर, विशेषतः रत्नागिरी जिल्ह्यातील आरे-वारे, गणपतीपुळे आणि माडबन येथे मोठ्या संख्येने जेलीफिश दिसून येत आहेत, ज्यामुळे प्रशासनाने पर्यटकांसाठी धोक्याचा इशारा दिला आहे. प्रशासनाने आवाहन केले आहे की, 'समुद्रकिनारी येणाऱ्या पर्यटकांनी सतर्क राहावे'. मोंथा चक्रीवादळामुळे (Cyclone Montha) समुद्रातील बदलांमुळे हे जेलीफिश किनारी भागाकडे आकर्षित झाल्याचे सांगितले जात आहे. या जेलीफिशचा स्पर्श झाल्यास त्वचेला खाज सुटणे, पुरळ येणे आणि तीव्र वेदना होऊ शकतात, काही वेळेस तापही येऊ शकतो. त्यामुळे पर्यटकांनी समुद्राच्या पाण्यात उतरू नये आणि जेलीफिशपासून दूर राहावे, असे आवाहन करण्यात आले आहे. यापूर्वीही कोकण किनारपट्टीवर अशाप्रकारे जेलीफिश आढळून आले आहेत, ज्यामुळे मच्छीमार आणि पर्यटक दोघांनाही समस्यांचा सामना करावा लागला आहे.