Morning Prime Time Superfast News : सुपरफास्ट बातम्या : 7 AM : 26 OCT 2025 : ABP Majha

सोलापूर जिल्ह्यात (Solapur) भाजपचे 'ऑपरेशन लोटस' (Operation Lotus) सुरूच राहणार असल्याचे संकेत पालकमंत्री जयकुमार गोरे (Jaykumar Gore) यांनी दिले आहेत, तर दुसरीकडे हिंगोलीत (Hingoli) महायुतीमधील वाद चव्हाट्यावर आला आहे. 'ऑपरेशन कमल थांबणार नाही आणि लवकरच तुम्हाला भारतीय जनता पक्षामध्ये अनेक दिग्गज लोकांचा प्रवेश झालेला सोहळा पाहता येईल', असे खळबळजनक वक्तव्य जयकुमार गोरे यांनी केले आहे. हिंगोलीत भाजप आमदार तानाजी मुटकुळे (Tanaji Mutkule) यांनी आमदार संतोष बांगर (Santosh Bangar) यांना 'इटका जबाब पत्थरसे दिला जाईल' असा इशारा दिला आहे. दरम्यान, केंद्र सरकारने ज्येष्ठ खगोलशास्त्रज्ञ जयंत नारळीकर (Jayant Narlikar) यांना मरणोत्तर 'विज्ञान रत्न' पुरस्कार जाहीर केला आहे. यासोबतच, औरंगाबाद रेल्वे स्थानकाचे (Aurangabad Railway Station) नाव अधिकृतरित्या 'छत्रपती संभाजीनगर रेल्वे स्थानक' (Chhatrapati Sambhaji Nagar Railway Station) असे बदलण्यात आले असून, त्याचा नवीन कोड CPSN असेल. तसेच, विमान प्रवासात पॉवर बँकच्या (Power Bank) वापराबाबत DGCA लवकरच नवीन नियमावली जाहीर करण्याची शक्यता आहे.