Rathotsav 2025: जळगावमध्ये दीडशे वर्षांची परंपरा कायम, श्रीराम रथोत्सवाला भाविकांची अलोट गर्दी.

जळगाव (Jalgaon) शहराचे ग्रामदैवत असलेल्या श्रीराम मंदिर संस्थानतर्फे कार्तिकी एकादशीनिमित्त (Kartiki Ekadashi) दरवर्षीप्रमाणे यंदाही श्रीराम रथोत्सव (Shri Ram Rathotsav) मोठ्या उत्साहात साजरा करण्यात आला. भाविकांच्या श्रद्धेनुसार, या दिवशी प्रत्यक्ष पंढरीचे पांडुरंग जळगावात येतात. सुमारे १५० वर्षांहून अधिक जुनी असलेली ही परंपरा संत अप्पा महाराजांनी (Sant Appa Maharaj) सुरू केली होती. या रथोत्सवासाठी जिल्हाभरातून हजारो भाविक दाखल झाले होते. अनेक तरुण देवी-देवतांची विविध रूपे धारण करून या सोहळ्यात सहभागी झाले होते, जे विशेष आकर्षण ठरले. झेंडूच्या फुलांनी आणि आकर्षक रोषणाईने सजवलेला रथ ओढण्यासाठी भाविकांनी मोठी गर्दी केली होती. टाळ-मृदंगाच्या गजरात आणि 'जय श्रीराम'च्या जयघोषात संपूर्ण शहरात भक्तिमय वातावरण निर्माण झाले होते.