Train Accidnet Rescue :धावत्या ट्रेनखाली तरुणी येत होती, प्रवासी प्रकाश जाधव देवदूत बनून धावला

पालघर (Palghar) रेल्वे स्थानकात धावत्या लोकलमध्ये चढण्याच्या प्रयत्नात असलेल्या तरुणीचे प्राण सिक्युरिटी गार्ड प्रकाश जाधव (Prakash Jadhav) यांनी वाचवले. 'आज मुलगी आपल्यात नसते तरी मला कॉलेजच्या मुलांना एवढंच सांगणंय की आपण गाडी व प्लॅटफॉर्मवरनं सुरू झाल्यानंतर अजिबात पकडण्याचा प्रयत्न करू नका,' असं आवाहन प्रकाश जाधव यांनी केलं आहे. शनिवारी पालघर स्टेशनच्या प्लॅटफॉर्म क्रमांक एकवर ही घटना घडली, जिथे तरुणी लोकलला लटकून घसरत होती. प्रसंगावधान राखून जवान प्रकाश जाधव यांनी धावत जाऊन तरुणीचा हात आणि बॅग पकडून तिला सुखरूप बाहेर खेचले. जाधव हे एस टी महामंडळाच्या (MSRTC) पालघर डेपोमध्ये सिक्युरिटी गार्ड म्हणून कार्यरत आहेत. त्यांच्या या धाडसामुळे एका तरुणीला जीवदान मिळाले असून त्यांच्यावर कौतुकाचा वर्षाव होत आहे.