Local Body Polls : स्थानिक स्वराज्य संस्था निवडणुकांवरून घमासान, हायकोर्टात तातडीची सुनावणी

आगामी स्थानिक स्वराज्य संस्थांच्या निवडणुकांसंदर्भात मुंबई उच्च न्यायालयात (Bombay High Court) दाखल झालेल्या २८ याचिकांवर आज एकत्रित सुनावणी होत आहे. मुख्य न्यायमूर्ती श्री. चंद्रशेखर (Chief Justice Shree Chandrashekhar) यांच्या खंडपीठासमोर ही सुनावणी सुरू आहे. 'मतदार यादीशी संबंधित याचिकाकर्त्यांनी आज संपूर्ण तयारीनिशी युक्तिवाद करण्याच्या सूचना उच्च न्यायालयानं दिलेल्या आहेत,' असे न्यायालयाने स्पष्ट केले आहे. मतदार यादी (Voter List), प्रभागांचे सीमांकन (Ward Delimitation) आणि प्रभाग आरक्षण (Ward Reservation) या मुद्द्यांवर याचिकाकर्त्यांनी आव्हान दिले आहे. विशेष म्हणजे, नागपूर आणि औरंगाबाद खंडपीठात दाखल झालेल्या याचिकाही मुंबईतील मुख्य पीठाकडे वर्ग करण्यात आल्याने या सुनावणीला महत्त्व प्राप्त झाले आहे. न्यायालयाच्या आजच्या भूमिकेमुळे निवडणुकांचे भवितव्य काय असेल, याकडे संपूर्ण राज्याचे लक्ष लागले आहे.