FRP Dispute | कारखान्यांकडून मदतीवरून राजकारण तापले, फडणवीसांचा 'काटा मारणाऱ्यां'ना इशारा

राज्यात कारखान्यांकडून शेतकऱ्यांसाठी मदत मागण्यावरून राजकारण तापले आहे. शरद पवार यांच्या कारखान्यांकडून मदत घेण्याला विरोध आहे. मात्र, मुख्यमंत्री देवेंद्र फडणवीस मदत घेण्यावर ठाम आहेत. फडणवीस म्हणाले की, काही लोक छोट्या मनाचे झाले आहेत. कारखान्यांचे तीस हजार कोटींचे व्यवहार होतात आणि सरकार त्यांना दहा हजार कोटी रुपये देते. तरीही, नफ्यातून शेतकऱ्यांसाठी पाच रुपये काढायला सांगितले असता, काही कारखानदारांनी विरोध केला. फडणवीसांनी स्पष्ट केले की, हे पैसे FRP मधून मागितले नव्हते. एका कारखान्याला फारतर पंचवीस लाख रुपये मागितले होते. काही कारखानदार शेतकऱ्यांकडून पैसे वसूल करत असल्याचा आरोप करत आहेत. फडणवीसांनी इशारा दिला की, "काटा मारणारे कारखाने मी शोधून ठेवलेत." शेतकऱ्याचा काटा मारून पैसा जमा करणाऱ्या कारखान्यांना आता जाब विचारला जाईल असेही फडणवीस म्हणाले.