Beed Jail : बीड जेलमध्ये धर्मांतरासाठी दबाव? अधीक्षकांवर गंभीर आरोप

बीड जिल्हा कारागृहात (Beed District Jail) धर्मांतरासाठी (Religious Conversion) दबाव आणल्याच्या गंभीर आरोपांमुळे खळबळ उडाली आहे. कारागृह अधीक्षक पेट्रस गायकवाड (Petrus Gaikwad) यांच्यावर कैद्यांचा छळ करून त्यांना ख्रिश्चन धर्म स्वीकारण्यास भाग पाडत असल्याचा आरोप आहे. तक्रारदार कैद्यांच्या वकिलांच्या म्हणण्यानुसार, ‘धर्म परिवर्तनासाठी त्यांना विविध आमिषे दाखवली जातात आणि नकार दिल्यास शारीरिक छळ केला जातो’. या प्रकरणी आमदार गोपीचंद पडळकर (Gopichand Padalkar) यांनी मुख्यमंत्र्यांकडे तक्रार केली आहे, तर मंत्री प्रताप सरनाईक (Pratap Sarnaik) यांनी चौकशीचे आश्वासन दिले आहे. कारागृह उपमहानिरीक्षक वैभव आगे (Vaibhav Aage) यांनी या प्रकरणाची गंभीर दखल घेतली असून, चौकशीसाठी दक्षता समितीचे पथक (Vigilance Committee) पाठवून अधीक्षक गायकवाड यांच्याकडून खुलासा मागवण्यात येणार असल्याचे स्पष्ट केले आहे.