Bacchu Kadu Protest :'मागण्या मान्य न झाल्यास महाराष्ट्र जाम करणार', Bachchu Kadu यांचा सरकारला अल्टिमेटम

शेतकरी नेते बच्चू कडू (Bachchu Kadu) यांनी कर्जमाफीच्या मागणीसाठी नागपुरात (Nagpur) हजारो शेतकऱ्यांसह आंदोलन पुकारले आहे. आंदोलकांनी नागपूर-हैदराबाद आणि नागपूर-वर्धा यांसारखे प्रमुख महामार्ग रोखून धरले आहेत. 'आज दुपारी बारा वाजेपर्यंत मागण्या मान्य न झाल्यास महाराष्ट्र जाम करण्याचा इशारा बच्चू कडूननी सरकारला दिला आहे.' हजारो ट्रॅक्टर घेऊन शेतकरी या आंदोलनात सहभागी झाले असून, नागपुरातील चार महामार्ग अडवण्यात आले आहेत. मागण्या मान्य न झाल्यास महामार्गांनंतर थेट 'रेल रोको' आंदोलन सुरू करण्याची घोषणाही कडू यांनी केली आहे. या आंदोलनामुळे नागपूरकडे जाणाऱ्या आणि येणाऱ्या वाहतुकीवर मोठा परिणाम झाला असून अनेक किलोमीटरपर्यंत वाहनांच्या रांगा लागल्या आहेत.