Fake Audition Racket : 'तुमचा मुलगा किडनॅप झालाय असं वागा', Rohit Arya च्या ऑडिशनमधील धक्कादायक प्रकार उघड

मुंबईतील पवई (Powai) येथील आरए स्टुडिओमध्ये (RA Studio) 'फेक ऑडिशन'च्या (Fake Audition) नावाखाली लहान मुलांना ओलीस ठेवल्याचा धक्कादायक प्रकार समोर आला आहे. या घटनेचा मुख्य सूत्रधार रोहित आर्या (Rohit Arya) असून, त्याने ऑडिशनसाठी आलेल्या मुलांना आणि त्यांच्या पालकांना एका नाटकाचा भाग म्हणून अपहरणाचा सीन करायला सांगितला होता. 'तुमचा मुलगा किडनॅप झाला आहे, असं समजून दरवाजा ठोका, असं रोहित आर्याने पालकांना सांगितलं', अशी माहिती या ऑडिशनमध्ये सहभागी झालेल्या एका मुलाने दिली आहे. प्रत्यक्षात, रोहित आर्याने सुमारे १७ मुलांना स्टुडिओत डांबून ठेवले होते. सरकारी कामाचे २ कोटी रुपये थकल्याने त्याने हे कृत्य केल्याचे समोर आले आहे. अखेर पोलिसांच्या कारवाईत रोहित आर्या मारला गेला आणि सर्व मुलांची सुखरूप सुटका करण्यात आली. या घटनेमुळे चित्रपटसृष्टीत नवोदितांच्या सुरक्षेचा प्रश्न पुन्हा एकदा ऐरणीवर आला आहे.