Maharashtra Politics: एकनाथराव, मी कधीकधी अदलाबदल करतो,मुख्यमंत्रीपदावरून फडणवीसांचे मोठे वक्तव्य

कोल्हापुरात पद्मश्री डॉक्टर प्रतापसिंह जाधव यांच्या सहस्त्रचंद्रदर्शन सोहळ्यात राजकीय नेत्यांची मांदियाळी पाहायला मिळाली. या कार्यक्रमाला मुख्यमंत्री देवेंद्र फडणवीस, दोन्ही उपमुख्यमंत्री आणि शरद पवार उपस्थित होते. 'एकनाथराव आणि मी कधी कधी अदलाबदल करतो, कधी ते मुख्यमंत्री असतात, कधी मी मुख्यमंत्री असतो', असं देवेंद्र फडणवीस म्हणाले. त्यांच्या या विधानामुळे महाराष्ट्राच्या राजकारणात मुख्यमंत्रीपदाच्या वाटपावरून पुन्हा एकदा चर्चा सुरू झाली आहे. फडणवीस यांनी हे वक्तव्य मिश्किलपणे केले असले तरी, शिंदे आणि फडणवीस यांच्यातील सत्तेच्या समीकरणांवर आणि भविष्यातील राजकीय वाटचालीवर तर्कवितर्क लढवले जात आहेत.