Diwali Kokan Trip : दिवाळी सुट्टीत कोकण पर्यटकांनी गजबजले, किनारपट्टीवर गर्दीच गर्दी

दिवाळीच्या सुट्ट्यांमुळे कोकणातील (Konkan) पर्यटन स्थळे पर्यटकांनी गजबजून गेली आहेत. गणपतीपुळे (Ganpatipule), रायगड (Raigad), रत्नागिरी (Ratnagiri) आणि सिंधुदुर्ग (Sindhudurg) या जिल्ह्यांमध्ये मोठी गर्दी दिसून येत आहे. पावसाळ्यानंतरचा हा पर्यटनाचा पहिला मोठा हंगाम असल्याने, अनेक कुटुंबे आणि मित्र-मंडळी कोकणच्या किनारपट्टीकडे वळली आहेत. गणपतीपुळे येथे बाप्पाच्या दर्शनानंतर पर्यटक समुद्रावर वॉटर स्पोर्ट्सचा (Water Sports) आनंद लुटत आहेत. शाळांना पुढील काही दिवस सुट्टी असल्याने ही गर्दी आणखी वाढण्याची शक्यता वर्तवण्यात येत आहे. स्थानिक खाद्यसंस्कृतीचा आस्वाद घेण्यासाठीही पर्यटक उत्सुक दिसत आहेत, ज्यामुळे हॉटेल्स आणि रिसॉर्ट्सना मोठा प्रतिसाद मिळतोय.